Dizze wike stie yn it teken fan de opnames fan ’e videoclip foar myn nije nûmer “tiidkabine”, dy 't gearfalt mei de lansearring fan myn nije boek, Sake ûntdekt in wûndereilân. Op moandei hawwe wy filme yn it Museum Belvédère yn Oranjewâld. Wat in moaie lokaasje is dat! Op woansdei wie it prachtich winterwaar dêr’t ik sa fan hâld! Om’t it om it friespunt hinne is, wie Jelke drok dwaande mei sâltstruien, sadat elkenien feilich de dyk op kin. Ik krige in lift fan him op syn minishovel, wat in rappe rit wie. De rest fan ’e dei wie ik drok mei de tariedings foar de opnamen op freed. Want doe wie ik mei Sake, Roelof Jan en Jolieke yn it fuotbalstadion fan SC Hearrenfean om te filmjen op ’e middenstip. Dat is dochs de dream fan elts bern?!