Ik gean tegearre mei Yara Lynn nei de try-out fan Brêge nei Frijheid. We komme Femma tsjin yn de kleedkeamer, se is hielendal klear mei har kapsel en kostúm. Ik sjoch hoe’t se opkomt, se spilet de haadrol en docht dat echt geweldich. Ik sjoch tanks en legervoertuigen oer it toaniel kommen en prachtige kostúms. It ferhaal giet oer de oarloch, it makket djippe yndruk op ús. In part spilet him ôf yn Yara Lynn har wenplak en dat fynt se hiel bysûnder.